categorized, HINDI POEMS, Hindi songs, LIFE, LOVE, POEMS, Poetry

Kuch log kehte hai.


Yuhi kuch dino se,
Kuch kahi ankahi baato ko sunna,
Yeh ladki toh aisi na thi,
Isme toh phele sharmo haya thi.
Nazre jhuka ke chalti thi,
Sharmati thi, kabhi kabhi muskurati thi,
Aaj toh sar pe duppatta bhi na tha,
Jane kaha chod aayi woh apni haya.

Log kehte hai shayad dhoka khaya hai pyaar mein isne,
Diwaani se hogayi hai,
Ab usse na duniya ki aur na khudki fikar hai,
Ab haar roj woh lakho dilo ko todne lagi hai.

Woh kehti hai duniya dekh rahi hu aur Usse apne aapko pehchaana hai abhi.
Dilo ka sauda karna toh inn logo ne sikhaya,
Usne toh ek baar dil lagaya tha aur fir na karpayi pyaar kabhi.

Yuhi kuch dino se,
Kuch kahi ankahi baato ko sunna,
Yeh ladka toh aisa na tha,
Harpal hasta chehekta rehta tha.
Duniyaan dari ki fikar nahi thi,
Apne hi mann ki karta tha,
Jane kaha khogayi iski azaadi,
Aaj toh khudme hi ked rehne laga hai.

Log kehte hai shayad dhoka khaya hai pyaar me isne,
Parwano sa hogaya hai,
Ab toh usse na khudka hosh hai,
Aur na hi ek pal aur jeene ka shokh hai.

Woh kehta hai jindagi ko samjh chuka hu main,
Jee chuka hu main apni jindagi,
Har pal mein abhi bhi woh rehti hai mere saath,
Pyaar toh pyaar hai chahe dur rahu ya uske pass…

image

Posted from WordPress for Android

categorized, HINDI POEMS, Hindi songs, LIFE, LOVE, POEMS, Poetry

Apna banaya tha jisse…


Guzarte har lamho ke saath,
Tere yaade dhudli se horahi hai,
Kya tu wahi hai jo deewana sa tha,
Maine apna banaya tha jisse…

Chehre badalne lage hai ab,
Tere kuch baate yaad aa rahi hai,
Jiske dil ke har kone me main thi,
Kya tu wahi hai, maine apna banaya tha jisse…

Har ehsaas ko kora kar gaya tu,
Tere saath bete jazbaat bhi ab na rahe,
Jiske jeene ki wajah mujhse thi,
Woh aaj mere bina jeeye jaraha hai,
Woh badal sa gaya, maine apna banaya tha jisse…
Kya tu wahi hai….

Jiske saath waqt tham jata tha,
Har ek raat meethe sapne lata tha,
Nayi subha ka intazaar rehta tha,
Jeene ki wajah milgayi thi,
Nayi sari khushiyaan milgayi thi.
Toda bhi usne hi unn khushiyon ko,
Har naya sapna ruth gaye,
Har din ek roshni ki talash hai aaj bhi,
Kitna badal jate hai log waqt k saath
Kya tu wahi tha,
Apna banaya tha jisse…

image

Posted from WordPress for Android

categorized, Daily thoughts, Hindi songs, LIFE, THOUGHTS

Few words:1


” Khudko kitna dhudhoge zamane ke nazarse,
Ek baar khudme khudko tarash le, palke bandkarke…

Translation:
“For how ling will you seach yourself with the perception of the world,
Just close your eyes and and search, you’ll find yourself in self”

image

Artery, HINDI POEMS, Hindi songs, LOVE, POEMS, Poetry

Tu kya hai mere liye


Tu kya hai mere liye,
Yeh bhi na janu.
Hokar bhi hai tu ya na hokar bhi hai.
Sapno ko tere mere jeena bhi chahu,
Lekin fir sapno mein khona na chahu.
Tu kya hai mere liye,
Yeh bhi na janu.
Tu hai bhi ya nahi woh bhi na janu.

image

Har khaab ko pura hote dekha hai Maine.
Fir unhi khaabo ko toda bhi Maine,
Darr gayi hu main,
Har ghadi ab maanu ya na maanu,
Hokar bhi tu hai ya na hokar bhi hai tu.

image

Bharosa karne ka Mann bhi karta hai,
Fir uss bharose pe aitbaar bhi karna main chahu,
Lekin fir dil mera yeh kehta bhi jaye,
Tu hai bhi ya nai woh bhi na janu.
Tu kya hai mere liye,
Yeh bhi na janu.

image

Chahat yahi hai ki tu mil aise jaye,
Jaise fir hum alaga ho bhi na paye.
Lekin kismat meri itni khudgarz hai kya kahu,
Agar tujhe apna kahu to kya pata tujhe bhi kho na du….

Tu kya hai mere liye,
Yeh bhi na janu.
Tu hai bhi ya nahi woh bhi na janu.

categorized, HINDI POEMS, Hindi songs, POEMS, songs

Main heer bangayi, ranjha bina…


Tere intazaar mein,
Din kaat ti hai…,
Katti na raate…
Tere naal ishq karke mein,
Sab chain kho gaya…,
Kho ya na beeti baate…

Naina…
ashiq banke roye…
Rab hi jane,
Aisa bhi kyu hoye…(2)

Tere deedar mein……,
Haay main heer bangayi,
Ranjha bina…
Haay mein heer bangayi,
Raanjha bina…

Sare, sudh budh bhi khoyi,
Tere naal,
Dil jo lagayi.
Sare, rashto bhi bhulaye,
Tere naal,
Waade jo nibhaye…

Tu hi nahi,
Ranjhana.
Kyu tu bana,
Harjayi…..(2)

Tere intaar mein,
Haay mein heer bangayi,
Raanjha bina…
Haay mein heer bangayi,
Raanjha bina…

image

categorized, Hindi songs, PHOTOGRAPHY..., POEMS

Khabo ke parindey


Asamaan mein,
Ud gaya woh khaab mera,
Ab adhura sa,
Pura hojayega woh sapna kora.
Naye naye khabo ko,
Ab muthi mein bandha hai,
Zara zara katra bhi,
Ab irado se jada hai…

Udd chala.. ab udd chala,
Mere khabo ke parindey..
Ab ye na rukega…. rukega na ye,
Paro mein chahe ho shikanze..

Khaboo ke parindey…
Khaboo ke parindey…

Har wada khud se nibhana hai,
Jaha manzil le chale,
Waha chate chate jana hai….
Har din muskurate hi gaana hai,
Ansuo ke pani se,
Ab naya sapne ugana hai….

Udd chala.. ab udd chala,
Mere khabo ke parindey..
Ab ye na rukega…. rukega na ye,
Paro mein chahe ho shikanze..

Khaboo ke parindey…
Khaboo ke parindey…

image

Hindi songs, POEMS

 Kabhi kuch to kabhi kuch aur….


Jindagi ko jitna koi samjhna chahe,
Woh usme hi uthna ulajhta jaye.

Jindagi ko jitna koi jaana chahe,
Woh usme hi uthna anjaan hota jaye.

Jindagi ko jitna koi jeena chahe,
Woh usme hi uthna har pal marta jaye.

Kabhi kuch to kabhi kuch aur hai jindagi…
Barishme sukhe zameen hai jindagi…

Saagar hai pairo tale fir bhi,
Logo ke paas na bujhe.

Hawaye bhi lagati hai gale fir bhi,
Duniya mein saans na chale.

Charo taraf bhare hai log fir bhi,
Koi apna khaas na mille.

Akele aate hai akele jana hai fir bhi,
Koi raah par saath na chale.

Jindagi ka dastoor hai ye,
Aise hi jeena hai jindagi…

Kabhi kuch to kabhi kuch aur hai jindagi…
Din main bhi Ghana andhera hain jindagi…

categorized, FRIENDS, Hindi songs, LOVE, POEMS

Ye hona bhi jaruri tha…


Tumhe pake apne jindagi mein,
Chalte raho mein khona bhi jaruri tha.
Tera aana bhi jaruri tha,
Aur jana bhi jaruri tha.

Agar ye fasale na hue hote,
Kaise tumhe yaad hum karte,
Kaise teri yaado mein jeeye hote.

Tumhe apna bana kar mujhe,
Apne apko tujhme khona bhi jaruri tha.
Tere hasi mein muskura bhi jaruri tha,
Aur ruth kar rona bhi jaruri tha.

Agar hum yun kafa na hue hote,
Kaise tere arzoo hum karte,
Kaise tere har pal mein fanaa hote.

Tumse itni mohobbat karke mujhe,
Mere dil ka tutna bhi jaruri tha,
Tere jhute wado par marna bhi jaruri tha,
Marke pal pal saanse lena bhi jaruri tha.

Agar hum tujhse yun juda na hue hote,
Kaise jindagi ko hum samjh pate,
Kaise khudpe yakeen karte.

Yeh sab hona bhi jaruri tha,
Humara milna bhi jaruri tha,
Aur bechad jana bhi jaruri tha…..

image

Hindi songs, LOVE, PHOTOGRAPHY..., POEMS

Tujhko apna banaya tha….


image

Sapno ko muthi mein bhar ke,
Khabho mein apne sajaya tha.
Jo na chaha tha woh bhi,
Kar kar ke tujhko apna banaya tha.
Fir kyu ye layi,
Tune duriyaan,
Kyu hai judaai,
Apne darmiyaan.

Barso ki baate yaad karke,
Kitna roya kare dil bata.
Kyu tu na samjhe halat meri,
Kaise hua tu mujhse utna khafa.
Fir kyu samayi,
Har taraf tanhayiyaan,
Kyu tu hua hai,
Aise gumshudaa.

Harpal mein tujhko yaad kar ke,
Kyu fisalta nai waqt rait sa,
Tute hue sapno ko jod kar,
Kab tak karu tera intazaar,
Fir kyu rutha hai,
Har taraf ye jahaan,
Mujhko mila de,
Khudse tu ek baar…..